კოქსართროზი - ქრონიკული დაავადებაა, რომლის დროსაც ზიანდება მენჯ-ბარძაყის სახსრის სტრუქტურა და დეგენერაციული პროცესი თავდაპირველად აზიანებს  ხრტილოვან ქსოვილს.

კოქსართროზის გამომწვევი მიზეზები:

• მენჯ-ბარძაყის სახსრის დისპლაზია და თანდაყოლილი ამოვარდნილობა;
• ბარძაყის ძვლის თავის სისხლმომარაგების დარღვევა და ნეკროზი;
• ანამნეზში პერტესის დაავადება;
• მენჯ-ბარძაყის სახსრის ინფექცია და ანთება;
• ტრავმები, მათ შორის ამოვარდნილობა, ბარძაყის ძვლის ყელისა და მენჯის მოტეხილობა.

კოქსართროზის დიაგნოსტიკა

ზუსტი დიაგნოზისათვის, ექიმი კრებს ანამნეზს, ატარებს მიოფასციალურ გასინჯვას და ამოწმებს რენტგენოგრაფიულ, MRI და CT კვლევების შედეგებს. დამატებით შესაძლებელია დაინიშნოს სისხლის საერთო ანალიზი, C- რეაქტიული ცილისა და რევმატოიდული ფაქტორის განსაზღვრა სისხლში, რათა გამოირიცხოს რევმატოიდული ართრიტი.

როგორ ვმკურნალობთ კოქსართროზს სამკურნალო ცენტრ „სიმეტრიაში“?

I-II ხარისხის კოქსართროზის მკურნალობა გაცილებით ადვილია, ვიდრე უფრო შორსწასული შემთხვევებისა. ამიტომ მნიშვნელოვანია დროულად მივმართოთ ექიმს ეფექტური მკურნალობისათვის. ჩვენი ცენტრის გამოცდილი რეაბილიტოლოგები დაგეხმარებიან დაზიანებული სახსრის ფუნქციის აღდგენასა და გამოჯანმრთელებაში.

სრული დიაგნოსტიკის შემდეგ, ექიმი ნიშნავს ინდივიდუალურ კომპლექსურ მკურნალობას ბიომექანოთერაპიისა და სხვა დამხმარე პროცედურების გამოყენებით.

დეტალურად ჩვენი ცენტრის გუნდის შესახებ შეგიძლიათ იხილოტ ბლოგში „გუნდი“.