მუხლის ტკივილისას დაუყოვნებლივ მიმართეთ ექიმს.
სახსარში ტკივილის გამომწვევი მიზეზი შეიძლება იყოს:
მენისკებისა და იოგების დაზიანება.
მენისკებისა და იოგების დაზიანებას მოყვება ძლიერი ტკივილი და მოძრაობის შეზღუდვა მუხლის სახსარში. ასეთ დროს, არასწორი მკურნალობის შედეგად, ყალიბდება ართროზი და სახსარში რჩება მუდმივი ტკივილი.
გონართროზი
ეს არის მუხლის სახსრის დაავადება, რომლის დროსაც ხრტილოვანი ქსოვილი განიცდის მუდმივ ცვეთას, შედეგად ვითარდება ტკივილი და მოძრაობის შეზღუდვა სახსარში.
ბურსიტი
ეს არის სასახსრე ჩანთის ანთება. ჩანთაში გამომუშავდება სინოვიალური სითხე, რომელიც ამცირებს ხახუნის ძალას და ხელს უშლის ხრტილოვანი ქსოვილის ცვეთას. ბურსიტი შესაძლოა განვითარდეს ტრავმების, ანთებისა და არასწორი ფიზიკური დატვირთვის შედეგად.
რევმატოიდული ართრიტი
აუტოიმუნური დაავადება, რომელიც ხასიათდება სახსრებში ანთებითი პროცესით. მუხლის სასხრის რევმატოიდული ართრიტისას აღინიშნება ძლიერი ტკივილი და შეშუპება, სახსრის მოძრაობა ძალიან იზღუდება, განსაკუთრებით დილის საათებში.
დეტალურად ჩვენი ცენტრის გუნდის შესახებ შეგიძლიათ იხილოთ ბლოგში „გუნდი“.