მეთოდის არსი

მეთოდი ეფუძნება დაზიანებულ ზონაზე (დაჭიმული კუნთები, მყესები, შეშუპება და ჰემატომა) სპეციალური მეთოდით ელასტიური წებოვანი ბინტის დაკვრას კონკრეტული სიგრძითა და მიმართულებით. ტეიპის წელვადი თვისება ძალიან ახლოსაა კანის ელასტიურობასთან, ამგვარად ის თავის თავზე იღებს გადატვირთული უბნის დატვირთვას და ეხმარება მათ დაკისრებული ფუნქციის შესრულებაში.

სამკურნალო ცენტრ „სიმეტრიაში“ კინეზიოტეიპების გამოყენების შედეგად ვიღებთ შედეგებს:

• უმჯობესდება სისხლისმიმოქცევა კანსა და კანქვეშა ქსოვილებში.
• პროპრიო და ინტერორეცეპტორებზე ზემოქმედებით აღდგება კუნთოვანი ტონუსი.
• რეცეპტორებზე ზემოქმედების შედეგად იზრდება მოძრაობის ამპლიტუდა, რაც მნიშვნელოვანია ქირურგიული ჩარევებისა და ტრავმის შემდგომ რეაბილიტაციაში.
• ტეიპის დაკვრის ზონაში ხდება იმ შინაგანი ორგანოების ფუნქციის აღდგენა, რომელთაც რეფლექსური კავშირი აქვთ დაზიანებულ კუნთოვან ქსოვილებთან.
• ქსოვილებზე კომპრესიის მოხსნის შედეგად მცირდება ტკივილი.
• ხდება ლიმფოდრენაჟის გაუმჯობესება, რის შედეგადაც ქსოვილოვანი შეშუპება ცხრება.
• ქსოვილებზე მექანიკური ზემოქმედების შედეგად ხდება სახსრების, კუნთებისა და მყესების ფუნქციის აღდგენა და მათი სტაბილიზაცია.
• კანსა და ქსოვილებში მიკროცირკულაციის გაუმჯობესებით ადვილად ხდება ტრავმის შემდგომი ჰემატომების გაწოვა.

კინეზიოტეიპებით მკურნალობის პროცესი 

ექიმთან კონსულტაციისა და ინდივიდუალური სამკურნალო პროგრამის შერჩევის შემდეგ, საჭიროებისამებრ ხდება კინეზიოტეიპით მკურნალობის დანიშვნა. მნიშვნელოვანია, რომ კინეზიოტეიპის დაკვრა მოხდეს კვალიფიციური სპეციალისტის მიერ, ვინაიდან თვითმკუნრალობამ შესაძლოა მდგომარეობის გაუარესება და სავალალო შედეგიც კი გამოიწვიოს.

ტეიპის დაკვრა ხდება 3-10 დღის განმავლობაში, ეფექტი დგება პირველ 24 საათში. ტეიპი დამზადებულია წყალგამძლე მასალისაგან, ამიტომ იგი არ არის ხელშემშლელი ფაქტორი ყოველდღიურ ცხოვრებაში. თუ ტეიპის დაკვრამ გამოიწვია რაიმე სახის დისკომფორტი, საჭიროა დროულად მიმართოთ მკურნალ ექიმს.